Навукоўцы Расеі рыхтуюць акцыю пратэста супраць рэформы навукі

Навуковая грамадзкасьць адрэагуе на падрыхтаваны кіраўніцтвам расейскай акадэміі навук (РАН) плян мадэрнізацыі масавай акцыяй пратэсту. Яна адбудзецца 24 траўня ў 15.00 каля будынку расейскага ўраду (Белы Дом).

На думку пратэстуючых, рэалізацыя падрыхтаванага прэзыдыюмам РАН і ўзгодненага з кіраўніцтвам Міністэрства адукацыі і навукі праекта рэфармаваньня расейскай навукі прывядзе да яе поўнага разбурэньня, паведамляе gazeta.ru.

Плян прадугледжвае значнае павелічэньне фінансаваньня толькі часткі акадэмічных навуковых установаў. Патрэбнага фінансаваньня астатніх навуковых арганізацыяў не прадугледжваецца.