Міжнародная грамадзкая кампанія абвясьціла набор валянтэраў

Міжнародная кампанія «У Беларусь і Еўропу — БЕЗ ВІЗЫ!» пашырае сваю дзейнасьць у Беларусі і шукае валянтэраў, якія прагнуць руйнаваньня візавых бар’ераў і актыўнасьці ў коле аднадумцаў. Набор будзе доўжыцца да 8 лістападу.

Валянтэры, якіх далучацца да кампаніі, атрымаюць магчымасьць сустрэць аднадумцаў і сяброў, даведацца болей аб візавым рэжыме і шляхах яго адмены, атрымаюць карысны досьвед працы ў грамадзкіх арганізацыях і правядуць некалькі незабыўных дзён на трэнінгах ў розных гарадах Беларусі і Вільні.

Далучыцца да праекту могуць актыўныя грамадзяне Беларусі ва ўзросьце ад 18 гадоў, якія жадаюць актыўна ўдзельнічаць у грамадзкім жыцьці, маюць вольны час і згодныя прыехаць на сэмінары і трэнінгі кампаніі ў Горадні, Менску і Вільні.

Праграма трэнінгаў прадугледжвае:

1. навучаньне ў Беларусі (папярэдне сьнежань — студзень 2011—2012 гг.);
2. удзел у сэмінары для валянтэраў у Літве (вясна 2012 г., Вільня).

Арганізатары кампэнсуюць выдаткі, зьвязаныя з навучаньнем.

Адбор будзе весьціся на падставе дасланых інкет і дадатковых інтэрвію. Аб выніках адбору ўдзельнікі трэнінгу будуць праінфармаваныя па электроннай пошце да 14 лістапада 2011 года.

Для ўдзелу ў трэнінгу неабходна запоўніць анкету і да 8 лістападу 2011 г. даслаць яе на адрас info@novisa.by.