Міністры МУС ЭЗ дамовіліся аб аднаўленьні пашпартнага кантролю на ўнутраных межах
Міністры ўнутраных спраў краін Эўразьвязу дамовіліся аб неабходнасьці аднаўленьня пашпартнага кантролю ў Шэнгенскай зоне ў сувязі з прытокам імігрантаў зь дзяржаў Паўночнай Афрыкі. Памежнікі могуць вярнуцца ў ЭЗ ужо ў чэрвені гэтага году.
Іржавая будка на памежным пераходзе Літва-Латвія, 2010 год
Як піша korrespondent.net, міністры выступілі за перагляд правілаў Шэнгенскага заканадаўства ЭЗ, якое дзейнічае ўжо як 10 гадоў. Яны заявілі аб тым, што трэба дазволіць ўрадам 26 краін Шэнгенскай зоны аднавіць кантроль на сваіх межах. На гэты момант памежнага кантролю на ўнутраных межах ЭЗ ад Эстоніі да Партугаліі няма.
Памежны кантроль ужо пасьпела ўвесьці Данія, што выклікала скандал у ЭЗ. Цяпер дацкія памежнікі выбарачна правяраюць тых, хто жадае ўехаць на тэрыторыю гэтай краіны, шукаючы нелегалаў, найперш з трэціх краінаў.
Акрамя таго, кіраўнікі МУС вырашылі вярнуць на радзіму імігрантаў з краін Блізкага Ўсходу і Паўночнай Афрыкі.
Па словах эўрапейскіх дыпляматаў, рашэньне аб аднаўленьні пагранічнага кантролю падтрымалі кіраўніка МУС 15 з 22 краін ЭЗ, якія падпісалі Шэнгенскае пагадненьне. Самыя заўзятыя праціўнікі ўвядзеньня памежнага кантролю — Нямеччына, Чэхія і Аўстрыя. Аб гэтым піша EUobserver.
Пытаньне аб аднаўленьні пашпартнага кантролю будзе абмяркоўвацца ў чэрвені ў ходзе сустрэчы прэм’
Раней, 10 траўня, дэпутаты Эўрапарлямэнту выступілі з жорсткай крытыкай прапановы Камісіі Зьвязу аб магчымым узмацненьні жорсткасьці памежнага кантролю ўнутры Шэнгенскай зоны.