Любіш спорт — атрымай аргазм

Жанчыны, якія ня любяць заняткі спортам, з большай верагоднасьцю будуць мець праблемы з дасягненьнем аргазму, кажа дасьледаваньне амэрыканскага парталу знаёмстваў.

Верагоднасьць праблем у жанчын з дасягненьнем аргазму: калі яны не любяць фізычныя практыкаваньні і калі любяць (ніжэйшая лінія)

Партал знаёмстваў okcupid прагледзеў болей за 40 тысячаў анкет сваіх карыстальнікаў, каб высьветліць залежнасьць аргазму ў жанчын ад іх стаўленьня да фізычных практыкаваньняў.

Высьветлілася, што жанчыны, якія ня вельмі любяць фізычныя практыкаваньні, у два разы часьцей маюць праблемы з дасягненьнем аргазму. Хаця іх колькасьць зьніжаецца ў залежнасьці ад узросту.

Высьветлілася, што найбольшую верагоднасьць дасягнуць аргазм маюць 42-гадовыя жанчыны, якія займаюцца спортам. Не атрымліваецца гэта толькі ў 8% апытаных. Тым жа, хто спорт ня надта любіць, прыйдзецца пачакаць да 46 гадоў.

Дарэчы, паводле дадзеных усё таго ж парталу знаёмстваў, ад 40% да 30% жанчын, што ня робяць практыкаваньні, і ад 25% да 20% жанчын, што робяць іх, да 26 гадоў маюць праблемы з аргазмам.