$5 тысяч за тое, каб перавесьціся ў БДУ

Маці студэнткі Беларускага інстытуту правазнаўства атрымала прапанову ад менчука па спрыяньні пераводу яе дачкі ў БДУ. Кошт «дапамогі» мусіў скласьці 5 тысячаў даляраў.

Гэтыя грошы мужчына абяцаў перадаць чыноўнікам з БДУ і Міністэрства адукацыі. Маці студэнткі задумалася над прапановай і праз тры месяцы пайшла ў міліцыю.

У канцы лістапада пры атрыманьні грошаў няўдалы пасярэднік быў затрыманы. Цяпер сьледчыя высьвятляюць яго сувязі. Заведзеная справа паводле арт. 431 Крымінальнага кодэксу за падбухторваньне да хабару.