Паліцыя арыштавала амэрыканца за тое, што той гатаваў каву аголеным

Раніца панядзелка, распачатая з кубка кавы, скончылася для 29-гадовага жыхара штату Вірджынія Эрыка Ўільямсана вельмі сумна. Паліцыя арыштавала яго за тое, што голым гатаваў сабе каву. Цяпер амэрыканцу пагражае год зьвяволеньня.

Як распавядае спадар Уільямсан, «на мне не было аніякай вопраткі, але я быў адзін у маім уласным доме і толькі што вылез з ложка. Было цёмна, і я ня мог уявіць, што звонку хтосьці на мяне глядзіць».

Таемнай «падглядальніцай» аказалася жанчына і яе сямігадовы сын, якія якраз у гэтым момант праходзілі пад вокнамі Ўільямсана. Жанчына ня доўга думаючы выклікала паліцыю.

Паліцыя вінаваць Уільямсана ў тым, што мужчына адмыслова распрануўся для таго, каб яго ўбачылі голым. Але спадар Уільямсан сьцьвярджае, што сам мае пяцігадовую дачку, і ніколі не рабіў і ня зробіць нічога падобнага дзіцяці.

Цяпер недарэчнаму кавамэйкэру пагражае год зьняволеньня і $2000 штрафу. Сам Уільямсан зьбіраецца дамагацца кампэнсацыі ад паліцыі за свой арышт.

Паводле Telegraph
Фота UNIVERSAL NEWS & SPORT