Студэнцкі фэст у Румыніі

Студэнцкая ліга запрашае студэнтаў зь Беларусі ўзяць удзел у вялікім моладзевым фэсьце, які пройдзе на поўдні Румыніі ў пачатку жніўня.

VII Міжнародны студэнцкі фэст пройдзе з 1 па 8 жніўня ў горадзе Targu-Jiu. Арганізатарам фэсту выступае студэнцкая ліга ўнівэрсытэту Канстанціна Бранкузі (Румынія). Арганізатары абяцаюць пакрыць усе выдаткі акрамя праезду ўдзельнікаў да месца правядзеньня фэсту.

Падчас фэсту, асноўнай мовай якога будзе ангельская, студэнты з розных краінаў будуць заангажаваныя ў культурніцкія, спартовыя ды сацыяльныя мерапрыемствы. Таксама будуць ладзіцца дэбаты на такія тэмы, як сусьветны крызыс, атамная энэргія, сучасныя тэхналёгіі, роля СМІ ў нашым жыцьці, міжкультурніцкія камунікацыі.

Будуць арганізаваныя сэмінары й практычныя заняткі ў галіне мэнэджмэнту, дзейнасьці моладзевых арганізацыяў і тэхнікі камунікацыі.

Да ўдзелу запрашаюцца студэнты, якія зьяўляюцца сябрамі няўрадавых арганізацыяў.

Запоўненую заяўку на ўдзел у фэсьце трэба да 5 ліпеня 2009 г. выслаць па адрэсе office @ lsucb.com. Больш інфармацыі можна знайсьці на сайце фэсту.