Беларускіх студэнтаў накіруюць працаваць у Сыбір і аграгарадкі

Звыш васьмісот студэнцкіх будоўляў будзе арганізавана гэтым летам — гэта рэкордная лічба за апошні час. Працу беларускіх студэнтаў будуць выкарыстоўваць у Беларусі і на прасторах Расеі.­­­

­У Беларусі студэнты будуць працаваць на будаўніцтве комплексу «Мінск-Арэна», рэканструкцыі опэрнага тэатра, а таксама на добраўпарадкаваньні тэрыторый гарадоў. Прынамсі адзін студатрад будзе пр­ацаваць у кожн­ым аграгарадку.

У Расеі асноўная частка беларускіх студэнцкіх будаўнічых атрадаў будзе працаваць у Краснадарскім краі, Заходняй Сыбіры і­ Рэспубліцы Комі, пра гэта паведамляе ­СТВ.

А агенцыя «Мінск-навіны» піша, што каля ­600 студэнтаў Беларускага Дзяржаўнага Пэдагагічнага Унівэрсытэта сёлета накіруюць працаваць ў мэдыцынскія установы Менску.

Колькі зарабляюць студэнты на будоўлях

­Сёлета студэнты могуць працаваць ня толькі ў летнія месяцы, але і з траўня па верасень уключна. На расейскіх будоўлях беларускім студэнтам абяцаюць заробак у 350–400 даляраў.

­У мінулым годзе ­заробак­ студэнтаў, што працавалі ў рамонтных брыгадах уласных інтэрнатаў, не перавышаў 300 тысяч беларускіх рублёў. 

На будоўлі кінакомплексу «Беларусь» студэнты БДУ атрымлівалі ля 450 тысяч. А на спартовым комплексе «Минск-Арена» студэнты зараблялі ад сямісот тысяч да мільёна рублёў. Але там працавалі ў асноўным студэнты БНТУ, якія маюць пэўнае ўяўленьне пра будаўнічыя спэцыяльнасьці.

А ва ўнівэрсытэце культуры (БДУК) наагул без заробкаў: іншагароднія студэнты рамантавалі інтэрнаты ўзамен на дазвол жыць у інтэрнаце ўлетку.