7 кінавечароў з Райнэрам Вернэрам Фасбіндэрам

У Менску зь сёньняшняга дня па 10 кастрычніка па ініцыятыве Інстытута ім. Гётэ пройдзе паказ 7 фільмаў культавага нямецкага рэжысёра. Мастацкае кіно пра нямецкую рэчаіснасьць з канца 60-х да пачатку 80-х гадоў з спрэчным, крытычным, і, адначасова, поўным любові прадстаўленьнем людзей і грамадзтва.

Райнэра Вернэра Фасбіндэра (Rainer Werner Fassbinder) называюць самым значным рэжысёрам Новага Нямецкага кіно. Гэта быў творца, які ў сваіх працах мог цудоўна спалучыць радыкальны суб’ектывізм і пры гэтым выклікаць захопленасьць гледача сваёй стужкай. Ён памёр ва ўзросьце 37 год і за 14 год сваёй працы ў кінематографе з 1969 па 1982 гады зьняў 44 стужкі.

• 1 кастрычніка, панядзелак
  «Лола» (Lola)
• 2 кастрычніка, аўторак
  «Каханьне халадней за сьмерць» (Liebe ist kälter als der Tod)
• 3 кастрычніка, серада
  «Горкія Сьлёзы Петры Фон Кант» (Die bitteren Tränen der Petra von Kant)
• 4 кастрычніка, чацвер
  «Страх зьядае душу» (Angst essen Seele auf)
• 8 кастрычніка, панядзелак
  «Кітайская Рулетка» (Chinesisches Roulette)
• 9 кастрычніка, аўторак
  «У год Трынаццаці Месяцаў» (In einem Jahr mit 13 Monden)
• 10 кастрычніка, серада
  «Сум Веранікі Фосс» (Die Sehnsucht der Veronika Voss)

Паказы фільмаў пачынаюцца, а 19й гадзіне ў кінатэатры «Перамога» (вул. Інтэрнацыянальная, 20, тэлефон для даведак 294 34 33). У фае кінатэатра будуць выстаўлены таксама фірмовыя плякаты рэжысёра.

 Анатацыі да фільмаў на нямецкай, ангельскай і францускай мовах.