Міністэрства адукацыі не разумее, за што адказваюць розныя паўшар’і мозга

Рэктары беларускіх творчых ВНУ Рэктары Беларускай дзяржаўнай акадэміі музыкі Аляксандар Рашчупкін і Беларускай дзяржаўнай акадэміі мастацтваў Рычард Смольскі незадаволеныя вынікамі ўступнай кампаніі і зьвяртаюцца да Мінадукацыі Беларусі наконт зьменаў правілаў паступленьня ў творчыя ВНУ.

Аляксандар Рашчупкін паведаміў, як адзначае naviny.by, што сёлета 16 абітурыентаў, якія атрымалі за граньне на інструманце вышэйшыя балы, не прайшлі ў ВНУ па конкурсу, паколькі пры паступленьні ўлічваюцца балы цэнтралізаванага тэставаньня і сярэдні бал атэстата. У той жа час паступіць змаглі ўсе, хто набраў за творчае выпрабаваньне 3-5 балаў.

«Агульнавядома, што за лёгіку ў чалавека адказвае адно паўшар’е, а за творчыя здольнасьці – іншае. Але ў Мінадукацыі, на жаль, пакуль гэтага не разумеюць», – адзначыў рэктар акадэміі музыкі.

Таксама сп. Рашчупкін паведаміў, што Дзяржкамісія па кантролю за хадой уступнай кампаніі ў ВНУ прадставіла акадэміі дакумант, у якім таксама адзначаеца, што

«Міністэрству адукацыі рэкамэндавана разгледзець магчымасьць пры залічэньні абітурыентаў улічваць адзнаку за творчае выпрабаваньне ў якасьці асноўнай, а балы цэнтралізаванага тэставаньня неабходна улічваць у якасьці дзесяцічных ці прымаць іх як залік/незалік».

Рэктар акадэміі мастацтваў Рычард Смольскі ў сваю чаргу адзначыў, што ўпершыню ў гісторыі акадэміі ў гэтым годзе з шасьці студэнтаў спэцыяльнасьці «Станкавы жывапіс» пяцёра – дзяўчыны, якія, магчыма, «у школе былі ўседлівей хлопцаў». На ягоную думку, залічэньне ў ВНУ мусіць адбывацца па выніках творчых выпрабаваньняў, а балы тэставаньня могуць улічвацца пры роўных адзнаках, атрыманых на профільных іспытах.

Фота - parnat.com