Блаславеньне перад дыскатэкай у БДУ
Толькі пасьля блаславеньня мітрапаліта Філарэта ў праваслаўнай катэдры студэнты змаглі трапіць на сьвяточную дыскатэку, прысьвечаную юбілею Беларускага дзяржаўнага ўнівэрсытэту.
Студэнты, якія хацелі бясплатна патанчыць на ўнівэрсытэцкай дыскатэцы, павінны былі прайсьці шэраг працэдураў.
Першая – занесьці сябе ў сьпіс у актывістаў моладзевых арганізацый.
Другая – адзначыцца ў тых самых актывістаў (яны адказвалі за наведваньне) перад службай.
Трэцяя – выслухаць разам зь іншымі ахвочымі патанчыць, а таксама з выкладчыкамі і самім рэктарам Стражавым 30-хвілінную службу за БДУ.
Чацьвертае – атрымаць запрашальныя квіты на сьвяточны канцэрт, які варта было абавязкова наведаць, і запрашальны квіток на дыскатэку ў Палацы спорту.
І толькі пасьля далучэньня да духоўнага жыцьця ўнівэрсытэту студэнты змаглі адпачыць на танцах.