Study Tours to Poland

Аб’яўлены прыём заявак на ўдзел беларускіх студэнтаў у вялікім навучальным туры па Польшчы. У праграме Study Tours to Poland могуць прымаць удзел студэнты, якія вучацца ў Беларусі, маюць добрыя вынікі ў навучаньні і вылучаюцца актыўнай грамадзянскай пазыцыяй.

У межах інтэнсіўнага працяглага побыту ў Польшчы, арганізаванага польскімі няўрадавымі арганізацыямі, удзельнікі візытаў змогуць:

• пазнаёміцца з асяродзьдзем польскіх вышэйшых навучальных устаноў і няўрадавых арганізацый;
• сустрэцца з лідэрамі грамадзкага жыцьця ў Польшчы;
• прыняць удзел у лекцыях, курсах, культурных мерапрыемствах і сэмінарах. 

У рамах праграмы забясьпечваецца:

• аплата коштаў пражываньня і харчаваньня;
• аплата праезду;
• страхоўка;
• дапамога пры атрыманьні візы.

Валоданьне польскай мовай не з’яўляецца абавязковай умовай удзелу ў праграме.

Набор і ўдзел у праграме бясплатны. 

Тэрмін навучальных візытаў: сакавік – красавік 2007 г.

Тэрмін падачы заявак: да 1 сьнежня 2006 году.

Заяўкі на ўдзел у праграме чакаюць на сайце www.studytours.pl, а таксама па электронным адрасе: stp@borussia.pl

Вынікі конкурсу будуць апублікаваныя на сайце www.studytours.pl пасьля 15 студзеня. Кандыдаты атрымаюць асабістае паведамленьне аб выніках конкурсу па пошце ці электроннай пошце.