Пачынаецца Тэатральны куфар - 2006 у БДУ
У гэтым годзе фэстываль прысьвечаны 85-годдзю ВНУ. У конкурсе возьмуць удзел тэатральныя калектывы з Расеі, Літвы, Славеніі, Чэхіі, Нямеччыны, Румыніі, Грэцыі і Ірана. А таксама выступяць студэнты зь Менску, Полацка і Наваполацка. Гледачы убачаць 18 пастановак, дзе задзейнічана больш за 250 удзельнікаў.
Упершыню будзе прадстаўлена “Майстэрня Андрэя Курэйчыка”, якая была створана пры ліцэі БДУ, з спектаклем “Стары прыстары сеньёр з вялізнымі крыламі”. Галоўны прыз фэстываля – “Прыз глядацкіх сымпатый”- будзе ўручаны па выніках рэйтынгавага галасаваньня гледачоў. Апроч таго, лепшыя студэнцкія тэатральныя калектывы атрамаюць узнагароды ў 7 намінацыях.
Рэжысэры тэатраў-удзельнікаў правядуць 6 майстар-клясаў на розныя тэмы:
імправізацыя ў тэатры
тэатар фізычных дзеньняў
тэатар вобразаў
амэрыканская мэтодыка акторскай гульні
сучасны падыход да адаптацыі сыстэмы Станіслаўскага і інш.
Плянуецца ўдзел у навучальных мэрапрыемствах Робэрта Жэрме, прэзыдэнта міжнароднай асацыяцыі ўнівэрсытэцкіх тэатраў.
Урачытае адкрыцьцё “Тэатральнага куфра” заплянавана на 2 кастрычніка ў ліцэі БДУ (вул. Ульянаўская,8). Пачатак а 17:00.