CDMAG HORROR: ЦІХІ УЖОС!

Новы выпуск мультымэдыя-выданьня CDMAG - гэта ня проста жах, гэта сапраўдны хорар. Чытай, слухай і глядзі!

- “У чорным-чорным горадзе”: усе месцы Менску, што маюць кепскую славу і нядобрую аўру. Напрыклад, Лошыцкі парк: некалі тут палілі вядзьмарак; напачатку ХХ ст. у парку была база тэрарыстаў, а ў 1953-м, па чутках, у мясцовым балоце затапілі помнік Сталіну. Ці гарадзкая сьметніца ў Трасьцянцы, што за Шабанамі. Кажуць, бамжы, якія гойсаюць тут табунамі, не аднойчы чулі нейкія страшныя енкі і крыкі.

- “Хайтэк-фобіі”: ці праўда, што кітайскія акумулятары ад мабільных тэлефонаў - гэта бомбы запаволенага дзеяньня? Ці праўда, што тваю ICQ чытаюць, а мыла – фільтруюць? А можа, гэта банальная параноя?

- “А чорт яго ведае!”: новыя гарадзкія міты. Амаль ніхто ня ведае, куды вядуць “дзьверы ў сьценах”, міма якіх мы па некалькі разоў на дзень праходзім на станцыях мэтро “Кастрычніцкая”, “Пралетарская” ці “Маладзёжная”...  І амаль усе ўжо забыліся, чаму пасьля вайны менскую Камароўку абыходзілі і аб’яжджалі хто як мог.

А таксама: хто гуляецца ў гарадзкія вулічныя гульні, хто размалёўвае рэклямныя білборды, дзе трэніруюцца менскія дайвэры.

І яшчэ: канцэртныя запісы гурта PORT MONE і новыя трэкі ад музыкі-электроншчыка Аляксея Варсобы.

Поўную вэрсію CDMAG HORROR (аўдыё + відэа = 680 Mb) шукайце ў сваім горадзе на CD і ў лякальных сетках. Лайт-вэрсія на cdmagazine.org.