Фотарэпартаж з адкрыцьця сэзону восеньскіх «Аўторкаў добрых людзей 2009»

На вуліцы яшчэ цёпла і традыцыя аўторкаў Generation.bY працягваецца на сьвежым паветры — 8 верасьня прайшоў першы восеньскі «Аўторак добрых людзей». А з нагоды новага сэзону аўторак атрымаўся тэматычным — музычным. На беразе Сьвіслачы акустычную праграму наладзілі Rahis і Тацяна Беланогая. Пазьней за гітару ўзяліся таксама Зьміцер Казлоўскі і Міхал Бараноўскі. Падпявалі, адпачывалі і знаёміліся каля 40 «аўторкаўцаў».