Першы open-air аўторак Generation.by у 2009 годзе

Традыцыйны офлайн наведвальнікаў Generation.by — Аўторак добрых людзей — прайшоў 7 красавіка ўпершыню ў сэзоне на вуліцы. На зьмену ўтульным кавярням прыйшлі open-air аўторкі. Адкрыцьцё сэзону атрымалася маштабным — каля 40 чалавек.

Насамрэч, плянавалі гэты аўторак правесьці спачатку на вуліцы, а потым перабазавацца ў кавярню побач — традыцыйную для веснавога сэзону 2009 «Пінту» якраз побач са сквэрам. Але такой кампаніяй мы б у кавярню ня ўлезьлі, хоць аўторак Generation.bY там ужо чакалі. У выніку, група «разьведчыкаў» усё ж завітала ў Пінту — супрацоўнікі кавярні перадаюць усім прывет і чакаюць у госьці іншым разам:)

Куфлі піва, мінэралкі і соку ў гэты аўторак падымалі за адкрыцьцё open-air сэзону, выпуск Rahis'ам першага максі-сынглу, за роварную культуру (выпрабавалі на практыцы), за ўсіх добрых людзей і яшчэ шмат за што, абмеркаванага ў малых групах.

Цяпер глядзім фоткі і рыхтуемся да сустрэчы традыцыйна праз два тыдні!