Girls'Power: Клёндайк, Indiga + Ніка Сандрос
Першымі на сцэне зьявіліся «Клёндайк». Вобраз жаночы, першы: Кася Пытлева.
Кася павіталася з «чалавекамі» і паабяцала, што не пашкадуюць тыя, хто ў такі насычаны культурніцкімі падзеямі вечар далучыўся да гэтага «дзявочага» сьвята. І сапраўды - шкадаваньняў аніякіх.
Кася паабяцала як вясёлыя песенкі, так і сумныя кампазыцыі, назваўшы «Клёндайк» гэткім «недаэмо».
«Нет, нет, нет! Ничего не получится!..» - Усё атрымалася))
Гэта не аптычны падман, не мроя — гэта Руся. Так, анёлы — яны такія.
«Танга» было такім жа нязвыклым, як і сама Руся. Апошнія вакальныя партыі (ці як гэта называецца?) былі проста афігеннымі. «У девочки профессиональный вокал,» - сказаў важны такі мужчына.
Яшчэ былі калектыўныя танцы пад «Shake it up, man», бэнгальскія агеньчыкі і сэрцайкі ад Русі. Анёльскі вобраз Русі, асабліва карсет, не пакінуў абыякавым аніводнае мужчынскае сэрца)
І была Ніка, і малявала яна песьні, і час бег незаўважна, зьмяняючы гукі знаёмых песень.
На сцэне панавала поўная гармонія белага і чорнага, гукаў і вобразаў.
Руся праліла сьвятло на сваё прыватнае жыцьцё — у промнях цэлых трох сонцаў «Індыга» гучала зусім па-іншаму.