Віцебскі мэдычны ўнівэрсытэт выдаў зборнік прамоваў Аляксандра Лукашэнкі

Зборнік пад назовам “Выхаваньне ў сыстэме бесьперапыннае мэдычнае адукацыі” выдадзены накладам 100 паасобнікаў на сродкі ўнівэрсытэту, паведамляе Радыё Свабода. Укладальнікам гэтага зборніку, прызначанага дзеля ідэялягічнага выхаваньня студэнтаў, стаўся рэктар мэдунівэрсытэту Аляксандар Косінец – давераная асоба Аляксандра Лукашэнкі ў часе былых прэзыдэнцкіх выбараў.

Зборнік мае 175 старонак, на якіх зьмешчаныя прамовы Лукашэнкі, зьвернутыя перадусім да моладзі. Дадаткам да іх сталі распрацоўкі унівэрсытэцкіх выкладчыкаў у галіне ідэалягічнага выхаваньня. Ва ўнівэрсытэце прайшла таксама адмысловая нарада выкладчыкаў, у часе якой кожны куратар студэнцкае групы атрымаў гэткі “ідэалягічны дапаможнік” з рэкамэндацыяй практычнага выкарыстаньня.

@ptymist 00:00, 18/06/2003 | Навіны |

Каментары праз FACEBOOK