Кандаліза Райс сустрэнецца з украінскімі студэнтамі

Дзяржсакратар ЗША Кандаліза Райс 7 сьнежня сустрэнецца з украінскімі студэнтамі ў Кіеве ў канфэрэнц-залі чырвонага корпуса ўнівэрсытэта імя Т.Г.Шаўчэнка.

Чакаецца, што Кандаліза Райс будзе адказваць на пытаньні студэнтаў і абменьвацца з імі думкамі.

Гэта зьяўляецца часткай яе візыту ў Кіеў. Нягледзячы на тое, што сустрэча будзе адчыненай для СМІ, пытаньні задаваць змогуць толькі студэнты.

Аднак пасьля сустрэчы журналісты маюць магчымасьць паразмаўляць з студэнтамі.