Майстэрня сацыяльнага кіно прэзентавала ў Сеціве ролік «Экалогія пачынаецца з цябе».
Ініцыятыва па стварэнні серыі відэаролікаў «Культура пачынаецца з цябе» наладжаная Майстэрняй сацыяльнага кіно, якая, як адзначаюць стваральнікі, закліканая рабіць грамадскія праблемы Беларусі і варыянты іх рашэння больш нагляднымі. Майстэрня звярнулася да беларускага бізнесу, каб разам стварыць добрую сацыяльную рэкламу. Некалькі кампаній адгукнуліся. Аўтары ўдзячныя за падтрымку праекта мабільнаму аператару Velcom, інтэрнэт-правайдару «Атлант Тэлекам», кaмпаніі «Хенкель Баўтэхнік».
Усе папярэднія іміджавыя ролікі, "Яднай у сабе культуру!", "Мова пачынаецца з цябе", а таксама новае відэа «Экалогія пачынаецца з цябе» – аўтары разлічваюць паказаць шырокай аўдыторыі з дапамогай тэлебачання.