Арганізатары тура ДДТ у Беларусі чакаюць аншлаг на канцэртах

Усяго месяц застаўся да першых за пяць гадоў выступаў гурта ДДТ ў Беларусі. У Мінску арганізатары чакаюць аншлаг, у Віцебску, Гомелі і Брэсце попыт таксама пастаянна расце.

– У Мінску на сённяшні дзень прададзена больш 2/3 квіткоў. Прычым у першую чаргу разабралі самыя дарагія месцы на трыбунах, а таксама фанзону і танцпол, – распавядае арганізатар тура Максім Мазураўскі. – У рэгіёнах месцаў засталося больш, але крытычная кропка ўжо пройдзеная. Таму ўсе канцэрты тура абавязкова адбудуцца.

У Беларусь ДДТ прыедзе ў поўным складзе і з вялікай праграмай, у якую ўваходзяць лепшыя песні розных гадоў, а таксама матэрыял з нядаўніх альбомаў «Інакш» (2011) і «Празрысты» (2014). Як вядома група надае асаблівую ўвагу якасці гукавога і светлавога абсталявання на сваіх выступах. Так што прыхільнікі змогуць ацаніць у канцэртнай варыянце свежы матэрыял і паспяваць хорам даўно любімыя песні пра свабоду, любоў і веру.

– Пакуль што кошты на квіткі моцна не мяняліся. Пры запуску іх у продаж мы планавалі некаторае павышэнне бліжэй да канцэртаў, уплывае на нас і сітуацыя з курсамі. Так што просім усіх прыхільнікаў не адкладаць куплю білетаў на апошні момант – гэта адназначна будзе даражэй, – адзначае Мазураўскі.

• 20 лютага - Віцебск, Лядовы палац - ад 380 да 680 тыс. руб.
• 22 лютага - Гомель, манеж "Дынама" - ад 400 да 980 тыс. руб.
• 24 лютага - Брэст, Лядовы палац - ад 380 да 680 тыс. руб.
• 26 лютага - Мінск, Мінск-арэна - ад 500 да 1250 тыс.руб.

Квіткі на ўсе канцэрты ў касах і на сайтах білетных аператараў Kvitki.by і Ticketpro.by ў 42 гарадах Беларусі.

Падрабязная інфармацыя на сайце www.ddt-tur.by і ў групе http://vk.com/ddt_by.

Паводле прэс-рэліза.