У Кіеве студэнты абвясцілі галадоўку супраць інспекцыі ў ВНУ і адразу дамагліся сваіх мэтаў

Студэнты Кіеўскага ўніверсітэту імя Тараса Шаўчэнка абвясцілі, што пачынаюць галадоўку, бо патрабуюць спыніць раптоўную інспекцыю шэрагу навучальных устаноў Кіева.

Абвестка з’явілася ў суполцы Інстытута журналістыкі КНУ:

«Галоўнае патрабаванне — адклікаць Дзяржаўную інспекцыю навучальных устаноў Украіны, якая ў перыяд з 11.01.14 па 25.01.14 праводзіць незапланаваную праверку кіеўскіх ВНУ»

Прысутнасць гэтай інспецыі студэнты разглядаюць як «рэпрэсіі супраць удзельнікаў Еўрамайдану».

Акцыя мусіла пачацца ў 13.00 15 студзеня каля помніку Тарасу Шаўчэнку, але пасля з’яўлення інфармацыі пра галадоўку студэнтаў у медыях, інспекцыя была раптоўна адкліканая.

Цяпер у азначаны час студэнты збіраюцца, каб адсвяткаваць перамогу.