У сеціве з’явіўся зручны сэрвіс праверкі правапісу «Ў»
Лабараторыя распазнання і сінтэзу мовы Аб’яднанага Інстытуту праблем інфарматыкі Нацыянальнай акадэміі навук Беларусі распрацавала зручны вэб-сэрвіс праверкі правапісу літары «Ў».
Адмысловая лабараторыя Акадэміі навук цягам некалькіх год паспяхова займаецца распрацоўках алгарытмаў распазнання і сінтэзу беларускай мовы. У часе працы над гэтым вялікім праектам робяцца і іншыя карысныя праграмы. Сярод іх спецыялізаваны сэрвіс праверкі напісання ў нескладовага, распрацаваны для хуткай праверкі электронных тэкстаў перад сінтэзаваннем.
Большасць існых спэлчэкераў беларускай мовы грунтуюцца на пераборы па слоўніках і не ўліваюць простае правіла напісання літараў У/Ў у беларускай мове.«U_check распрацаваны, каб хутка правяраць вялікія электронныя тэксты на беларускай мове на прадмет няправільнага напісання «у і «ў. Сэрвіс правярае напісанне без уліку выключэнняў з правілаў, бо яны часта мяняюцца», — распавядае Generation.by малады навуковец, загадчык лабараторыі Юрась Гецэвіч.
Лабараторыя вырашыла выстаўляць у Сеціве часткі сваёй працы, каб атрымаць болей карыстальнікаў ужо ў працэсе распрацоўкі ды вітае парады да паляпшэння выніковага прадукту.«Сэрвіс абазначыць магчымыя памылкі, па-першае, калі напісана «у» пасля галоснай літары, і па-другое, калі напісана «ў» пасля не галоснай літары ці іншага сімвала », — тлумачыць Юрась алгарытм працы праграмы.