Выкладчыкі і студэнты ЕГУ выпусцілі фотаальбом пра Беларусь

Выкладчык курса па фотажурналістыцы ЕГУ Андрэй Лянкевіч выпусціў новы фотаальбом, што складаецца з прац маладых беларускіх фатографаў. У альбом пад назвай «BY NOW. Contemporary Photography from Belarus» увайшлі фотапрацы самога Лянкевіча, а таксама выпускніцы ЕГУ Вольгі Сасноўскай (магістарская праграма «Культурныя даследаванні», выпуск 2013 г.) і студэнта Паўла Кірпікава («Культурныя даследаванні»).

Кніга, што выйшла ў выдавецтве «Kehrer Heidelberg Berlin» пры падтрымцы Інстытута імя Гётэ (Мінск), будзе прадстаўленая на найбуйнейшым еўрапейскім кніжным кірмашы ў Франкфурце (Германія).

Напрыканцы года фотаздымкі, што ўвайшлі ў альбом, таксама будуць паказаныя ў межах выставаў, якія пройдуць у Берліне і Франкфурце. Фатаграфіі закранаюць тэмы радзімы, штодзённага жыцця людзей, сацыяльнай дакументалістыкі, памяці пра Другую сусветную вайну і нацысцкую акупацыю; таксама сярод іх ёсць эксперыментальныя фотапрацы.

Андрэй Лянкевіч, разам яшчэ з адной выкладчыцай ЕГУ Святланай Паляшчук, выдае часопіс на тэму сучаснай фатаграфіі «Volume», у якім публікуюцца фотапрацы студэнтаў, зробленыя ў Беларусі і Літве.


Андрэй Лянкевіч, Goodbye, Motherland


Павел Кирпікаў, Anarho Tiktura


Вольга Сасноўская, Singleuse

20:06, 19/09/2013 | Навіны |
comments powered by Disqus
 
In 0.0611 seconds.