Ліберыі: 100% абітурыентаў не здалі іспыты

Не надта жыццярадасная карціна з абітурыентамі склалася ў сталіцы адной з афрыканскіх краін. У Манровіі ўсе кандыдаты на бакалаўрыят ва Ўніверсітэт Ліберыі завалілі іспыты. У Беларусі сёлета некаторыя ВНУ таксама не далічыліся 100% першакурснікаў платных аддзяленняў, але афрыканскі варыянт яшчэ больш уражвальны.  

24 000 абітурыентаў паступала на бакалаўра, але ніхто з іх не набраў неабходнай для паступлення колькасці балаў (50 па матэматыцы і 70 па англійскай). Таксама кандыдаты ў дзве магістратуры ўніверсітэта (UL Law School UL і UL School of Pharamacy) правалілі іспыты. Тым не менш, кіраўніцтва ўніверсітэта рэкамендуе залічыць на бакалаўрыят каля тысячы абітурыентаў, якія набралі прынамсі 40 па матэматыцы і 50 па англійскай, але яны мусяць будуць наведваць падрыхтоўчыя курсы. А вось у магістратуру не возьмуць нікога. 

Сябра студэнцкай рады ўніверсітэта жорстка раскрытыкаваў сістэму праверкі экзаменацыйных прац. Са словаў студэнцкіх актывістаў, 24 000 паперы правярала толькі два чалавекі. Таму яны вельмі сумняваюцца ў правільнасці атрыманых вынікаў. Таксама студэнцкія актывісты вінавацяць адміністрацыю ўніверсітэта ў тым, што тысяча рэкамендаваных для паступлення студэнтаў былі абраныя не па выніках іспытаў, а па наяўнасці сваякоў і знаёмых ва ўніверсітэце. 

University of Liberia — адзін з самых старэйшых і прэстыжных універсітэтаў Заходняй Афрыкі, налічвае каля 17 000 студэнтаў, знаходзіцца ў сталіцы краіны — Манровіі. У ім навучаліся вядомыя ліберыйскія палітыкі, у тым ліку віцэ-прэм’ер краіны і два былыя прэзідэнты. У мінулым годзе было прынята на бакалаўрыят каля 7,5 тысяч абітурыентаў. Аднак леташнія умовы адрозніваліся ад сёлетніх: для паступлення трэба было набраць мегшную колькасць балаў.