Глуханямы байкер з «Belarus Minsk (Russia)»

Некалькі дзён у цэнтры Менска можна заўважыць каларытнага дзядзечку і ягоны матацыкл з кучай сцягоў розных краін ды мапаў. 72-гадовы глуханямы байкер Уладзімір Ярац аб’ездзіў 142 краіны, пачаўшы вялікую вандроўку ў 2000 годзе. За гэты час выйшла агулам 420 тысяч км. Уладзімір цяпер вярнуўся назад у Беларусь і стаіць жывым помнікам са сваім матацыклам каля плошчы Якуба Коласа.

Пачалося яшчэ з урока геаграфіі на якім юнак Ўладзімір убачыў глобус. І ў 1966 годзе ён выправіўся ў сваю першую вандроўку на матацыкле. Тады Уладзімір Ярац стаў афіцыйна першым глуханемым байкерам.

«Ён прэтендуе на званне нацыянальнага героя, бо ён ездзіў па свеце і прадстаўляў нашу краіну лепей за зорак усялякіх», — кажа мінак, што спыніўся ля матацыкла, не звяртаючы ўвагу на надпіс буйнымі літарамі "Start 27  May 2000 Belarus Minsk (Russia)".

• Менчук, які едзе вакол свету на ровары, распавядае пра ідэю і матывацыю дарогі

  Актывіст Мінскага роварнага таварыства выехаў увесну ў кругасветную вандроўку на ровары. У яго планах адолець зямны шар ў два этапы. Першы этап стартаваў з Менску 20 красавіка 2015. Мы звязаліся з Аляксеем Ландрэсам, калі ён ехаў па Арменіі ў напрамку Ірана.

• Актывісты-вандроўнікі ладзяць у Менску «Трэвэл-фэст», каб «адарваць людзей ад турагенцый»

  «Варта адзін раз табе дзесьці пабываць, і адлегласці змяняюцца». Па Афрыцы можна вандраваць па-за гатэльнымі гета, а да мора можна даехаць і за 5 даляраў – такія лайфхакі падрыхтавалі для гасцей арганізатары першага ў Беларусі Travel-фэста, які пройдзе 26 верасня на тэрыторыі аквапарка «Лябяжы».