Канцэрт-экскурсія гурта Re1ikt

Беларускі гурт Re1ikt запрашае сваіх слухачоў на канцэрт-экскурсію, на якім абяцае выканаць найлепшыя свае песні, а таксама пагрузіць наведвальнікаў у музычную гісторыю Светлагорска, Гомеля і Мінска, дзе хлопцам давялося жыць і даваць канцэрты. Кампазіцыі гурта будуць суправаджацца тэматычным слайд-шоў  рэдкіх фатаграфій калектыву, зробленых падчас паездак, канцэртаў, рэпетыцый, запісу альбомаў.

Імпрэза адбудзецца 4 траўня ў галерэі-бары NEWDAY (вул. Няміга, 36). Пачатак: 20:00. Квіткі: 40 000. Замова месцаў: +37517 3064838.