У Карэліі ўзновяцца выезды студэнтаў на бульбу ці back to USSR

Навучэнцы й студэнты ўстаноў пачатковай, сярэдняй і вышэйшай прафэсійнай адукацыі восеньню будуць дапамагаць сельскагаспадарчым прадпрыемствам па ўборцы ўраджаю.

Згодна загаду кіраўніка Карэліі, міністэрства сельскай гаспадаркі абавязанае будзе пракантраляваць заключэньне дамоваў паміж сельскагаспадарчымі арганізацыямі й адукацыйнымі ўстановамі на пэрыяд уборкі ўраджаю, паведамляе stolica.onego.ru.

Кіраўнікам мясцовага самакіраваньня рэкамэндавана прыцягнуць да ўраджайнай пары як студэнтаў, так і школьнікаў старэйшых клясаў агульнаадукацыйных школаў і пракантраляваць заключэньне адпаведных дамоваў.