Кіргізскія студэнты вылучылі кандыдатам у прэзыдэнты Бакіева

Прэм'ер-міністар Кіргізіі Курманек Бакіеў вылучаны кандыдатам ў прэзыдэнты выкладчыкамі і студэнтамі Оскага дзяржунівэрсытэта. Як перадае РИА "Новости", за вылучэньне кандыдатуры Бакіева адзінагалосна прагаласавалі прафэсарска-выкладчыцкі склад і студэнты ўнівэрсытэта.

Студэнты матывавалі свой выбар асабістымі якасьцямі Бакіева, які, на іх думку, “чэсны, адкрыты і здольны вывесьці краіну з палітычнага і эканамічнага крызысу”, які стварыўся ў краіне пасьля зьмены ўлады­ 24 сакавіка 2005г.

Курманбек Бакіеў узначаліў апазыцыйныя сілы падчас сакавіцкага перавароту. Пасьля зьмены ўлады парлямэнт зацьвердзіў яго на пасадзе прэм’ер-міністра і выконваючага абавязкі прэзыдэнта краіны.