Віцебскія студэнты правялі жалобную акцыю ў Доме Польскім імя Яна Паўла ІІ

На жалобную акцыю ў Дом польскі прыйшлі маладыя людзі з розных віцебскіх навучальных установаў. Не палітычны і не рэлігійны фактары сталіся падставаю для гэтага ўчынку, бо ўшанаваць памяць Яна Паўла ІІ прыйшлі і каталікі, і пратэстанты, і праваслаўныя.

Маладыя людзі ўсклалі кветкі да партрэта Яна Паўла ІІ, зьмешчанага на адмысловым стэндзе, запалілі каля яго сьвечкі. А потым кожны меў магчымасьць сказаць самыя шчырыя словы ўспамінаў, паведамляе "Радыё Свабода".

15-га жніўня 2001-га году Дом польскі пераехаў у гэты будынак, а 9-га лістапада быў дазвол Ватыкану, што дом можа насіць імя Яна Паўла ІІ.