Піцерскі стрыт-арт тры дні ў Арт Сядзібе

Сёньня ў Арт Сядзібе распачынаецца трохдзённы фэстываль-выстава трох прадстаўнікоў стрыт-арт аб’яднаньня з Санкт-Пецярбургу FYM: Samek, Low Willow, Pencil. FYM — гэта аб’яднаньне маладых дызайнэраў і мастакоў, якія актыўна разьвіваюць вулічнае мастацтва ў Санкт-Пецярбургу.

Падрабязьней пра FYM: на youtube, у жж

«Мы прадстаўляем Санкт–Пецярбург, але нашыя ўдзельнікі раскіданыя па ўсёй Расіі. Кожны цікавы паасобку, а агульная нашая супольная праца дае непрадказальныя вынікі. Найбольшую актыўнасьць праяўляем у клясычным графіці — тэгінг. Мы шмат вандруем, шырока цікавімся гіп-гоп культураю, танчым, падтрымліваем спорт. Не менш важным бокам зьяўляецца папяровая нашая дзейнасьць, стыкеры, выкананыя ў розных тэхніках: проста флямастар, аловак і далейшае пераўтварэньне ў вэктар або лінагравюру! Цікавяць нас фатаграфія, інсталяцыі і многія аспэкты вулічнай культуры. Мы спрабуем нічым сябе не абмяжоўваць, але дзейнічаць у разумным бясьпечным ключы», — кажа Samek.

Выстава распачнецца 26 сакавіка ў 18.00 у Арт Сядзібе.

Плян мерапрыемстваў:

26 сакавіка (панядзелак) адбудзецца адкрыцьцё і прэзэнтацыя выставы. На выставе будуць прадстаўленыя стыкеры, постэры, спрэй арт і іншыя працы выкананыя ў стрыт-арт стылістыцы;

27 сакавіка (аўторак) адбудзецца сумесна зь беларускімі вулічнымі мастакамі Street-art.by прэзэнтацыя відэа. Аб’яднанне FYM прэзэнтуе фільм «FYM на вуліцы»;

28 сакавіка адбудзецца нефармальная сустрэча, абмен артэфактамі. FYM запрашае прыходзіць у Арт Сядзібу і мяняцца артэфактамі, сваімі працамі: малюнкамі, налепкамі, трафарэтамі, хэндмэйдам і іншымі ўласнымі творчымі напрацоўкамі.

Уваход вольны. Усе мерапрыемствы пачынаюцца ў 18.00. Арт Сядзіба, Куйбышава, 22, другі паверх.