Гісторыя Эўрапэйскіх студэнцкіх канвэнцыяў

Першая студэнцкая канвэнцыя была праведзеная пры прэзыдэнцтве Францыі ў ЭЗ у лістападзе 2000 года, калі ў Парыжы сабраліся сотні студэнтаў з розных куткоў Эўропы. Вынікам першай канвэнцыі стаў студэнцкі маніфэст (Student Manifesto), які быў накіраваны ў Савет міністраў адукацыі пры Эўразьвязе.

Другая канвэнцыя адбывалася ў Гётэборгу, калі ў ЭЗ старшыньствавала Швэцыя, - яе вынікам стала Гётэборгская студэнцкая дэклярацыя, якая была прэзэнтаваная на Міністэрскім саміце ў Празе ў траўні 2001.

Трэцяя Эўрапэйская канвэнцыя была праведзеная ў лістападзе 2001 года ў Брусэлі, калі прэзыдэнтам Эўразьвяза была Бэльгія. Гэтая канвэнцыя была прысьвечаная сацыяльным аспэктам Балоньскага працэсу, а таксама паклала пачатак абмеркаваньню будучыні Эўропы ў межах ESIB.

Чацьвертая канвэнцыя была праведзеная ў Дуброўніку, Харватыя, гаспадаром быў харвацкі нацыянальны студэнцкі зьвяз у супрацоўніцтве з Харвацкім урадам. Гэтая канвэнцыя сфармавала студэнцкі ўнёсак у міжнародную канфэрэнцыю Савета Эўропы “Прызнаньне праблемаў Балоньскага працэсу”.

Пятая Эўрапэйская студэнцкая канвэнцыя мела месца ў Афінах, Грэцыя, у лютым бягучага году, калі прэзыдэнтам Эўразьвязу была Грэцыя. Тэма канвэнцыі наступная: “Як дасягнуць дасканалай студэнцкай мабільнасьці”. Гэтая канвэнцыя сфармавала студэнцкі ўнёсак у Бэрлінскі міністэрскі саміт (верасень 2003), які зьяўляецца часткай працэсу па стварэньні Эўрапэйскай прасторы адукацыі да 2010 году.

Гэтая канвэнцыя дае чарговую магчымасьць студэнтам Эўропы сустрэцца па-за межамі працэдурных сустрэчаў ESIB. Гэта спрыяе глыбейшаму абмеркаваньню студэнцкіх праблемаў.

Mara 00:00, 19/10/2003

Каментары праз FACEBOOK