Універсітэт ці дзіцячы садок?
Прычыну выкліку бацькоў ён нічым не тлумачыць, але спасылаецца на “клопат аб студэнтах”. У выніку "ініцыятывы" дэкана, бацькі павінны адпрошвацца з працы, губляць час і свае нэрвы каб пачуць пра тое, што іх дзіця атрымала 3 ці 4 неатэстацыі...
Ёсьць у Полацкім унівэрсытэце такая зьява – атэстацыя студэнтаў падчас вучэбнага працэсу. На працягу сэмэстра іх дзьве. Пасьля другой атэстацыі ля кабінета дэкана інжынэрна-будаўнічага факультэта А.А. Бакатовіча выстраіліся чэргі студэнтаў і іх бацькоў...
Сытуацыю, якая склалася пасься атэстацыі на інжынерна-будаўнічым факультэце, можна назваць дзіўнай: тых студэнтаў, у якіх больш за дзьве неатэстацыі дэкан факультэта Бакатовіч выклікае да сябе разам з бацькамі. Прычыну выкліку бацькоў ён нічым не тлумачыць, але спасылаецца на “клопат аб студэнтах”. У выніку такой "ініцыятывы" дэкана, бацькі павінны адпрошвацца з працы, губляць час і свае нэрвы каб пачуць пра тое, што іх дзіця атрымала 3 ці 4 неатэстацыі.
Прычым самі бацькі не да канца разумеюць навошта патрэбна атэстацыя: “Вось будуць іспыты, там і паглядзім, як вучацца нашыя дзеці”, – кажа маці адной са студэнтак. “Навошта гэта ўсё, толькі час губляецца, якога і так не хапае перад сэсіяй. Да таго ж мне 18 год, і я сам здольны адказваць за сваю вучобу і за сябе”, – кажа студэнт 2-га курса. “Я неатэстацыі ўсе адпрацаваў, але ўсё роўна сказалі, каб прыйшоў з бацькамі”, – кажа студэнт-першакурсьнік.
На іншых факультэтах -- спакайней. Студэнты, атрымаўшыя больш за дзьве неатэстацыі бяруць атэстацыйны ліст і адпрацоўваюць свае “н”–кі (неатэстацыі). Прычым нідзе бацькоў не выклікаюць, усё абыходзіцца размовай намесніка дэкана, ці самога дэкана са студэнтам.
У мяне ўзьнікае пытаньне: “З унівэрсітэта робяць школу, дзе за нейкія парушэньні выклікалі бацькоў? Ці гэта выбрыкі чалавека, якому няма чым сябе заняць, хоць ён і так ужо заняты – дэкан, як-ніяк!”
Аляксей Лукашэвіч,
“Наваполацкі Студэнцкі Зьвяз” ЗБС