Студэнцкая салідарнасьць у барацьбе за дэмакратыю
На восьмай Эўрапейскай Студэнцкай Канвэнцыі, што адбывалася ў Галяндыі з 3 па 7 сьнежня і дзе адна з працоўных групаў называлася “Студэнты як актыўныя грамадзяне”, Украінская Асацыяцыя Студэнцкага Самакіраваньня (УАСС), асацыятыўны сябра ESIB, зьвярнулася да эўрапейскіх студэнтаў з просьбай накіраваць сваіх назіральнікаў на прэзыдэнцкія выбары, што былі прызначаныя на 26 сьнежня, бо застаецца вялікая пагроза фальсыфікацыяў.
Справа ў тым, што ўкраінскія НДА не маюць права рэгістраваць сваіх назіральнікаў на выбары, таму студэнцкая арганізацыя таксама папрасіла ESIB зарэгістравацца ў якасьці назіральніцкай місіі, каб УАСС мела магчымасьць назіраць за выбарамі ў сваёй краіне.
Нягледзячы на тое, што назіраньне за прэзыдэнцкімі выбарамі цяжка падвесьці пад афіцыйныя мэты гэтай эўрапейскай структуры, Рада ESIB прыняла рашэньне даць згоду ўкраінскім студэнтам.
На дадзены момант ESIB і УАСС займаюцца падрыхтоўкай неабходных дакумантаў для рэгістрацыі назіральнікаў, а іншыя эўрапейскія студэнцкія зьвязы таксама рыхтуюць групы актывістаў, хто гатовы замяніць цёплыя і мяккія калядныя вакацыі ў каміна на барацьбу за дэмакратыю на халодных выбарчых участках Украіны.
ESIB – эўрапейская парасонікавая арганізацыя, якая аб’ядноўвае 50 студэнцкіх арганізацыяў з 37 краінаў. Беларускія студэнты ў ESIB прадстаўлены Задзіночаньнем Беларускіх Студэнтаў (Belarusian Students’ Association - BSA).
Міжнародная камісія ЗБС
Нягледзячы на тое, што назіраньне за прэзыдэнцкімі выбарамі цяжка падвесьці пад афіцыйныя мэты гэтай эўрапейскай структуры, Рада ESIB прыняла рашэньне даць згоду ўкраінскім студэнтам.
На дадзены момант ESIB і УАСС займаюцца падрыхтоўкай неабходных дакумантаў для рэгістрацыі назіральнікаў, а іншыя эўрапейскія студэнцкія зьвязы таксама рыхтуюць групы актывістаў, хто гатовы замяніць цёплыя і мяккія калядныя вакацыі ў каміна на барацьбу за дэмакратыю на халодных выбарчых участках Украіны.
ESIB – эўрапейская парасонікавая арганізацыя, якая аб’ядноўвае 50 студэнцкіх арганізацыяў з 37 краінаў. Беларускія студэнты ў ESIB прадстаўлены Задзіночаньнем Беларускіх Студэнтаў (Belarusian Students’ Association - BSA).
Міжнародная камісія ЗБС
Каментары праз FACEBOOK