Street Awards 2010: у Рэактары абяруць лепшых беларускіх дзеячоў гіп-гопу
4 лютага ў менскім клубе Рэактар адбудзецца штогадовая цырымонія узнагароды лепшых дзеячаў беларускай гіп-гоп культуры Street Awards. Гэта знакавая падзея для усіх, хто жыве і дыхае гэтай вулічнай культурай: менавіта ў гэты дзень вырашыцца, хто больш за іншых зрабіў ў 2010 годзе і стаў лепшым у краіне рэпэрам, фрыстайлерам, ды-джэем, райтэрам альбо брэйкдансэрам.
Street Awards выпадае раз на год і і сёлета абяцае надзвычайную відовішчнасьць. Раздача узнагарод у кожнай намінацыі чаргуецца з выступамі рэпэраў і вулічных танцораў, а выбар лепшага фрыстайлера і ды-джэя адбываецца проста на цырымоніі праз непаўторныя батлы. У фае клюба цягам усяго вечару намінанты на узнагароду «лепшы райтэр» ствараюць свае лёсавырашальныя шэдэўры. На Street Awards вы можаце назіраць за тым як ствараюцца графіці. А ў гэтым годзе да шэрагу намінацый дадалася зусім новая — «лепшы скейтэр».
Беларускамоўныя рэпэры ў 2010 годзе таксама ня спалі, а таму і адзначыліся адразу ў некалькіх намінацыях: «артыст года», «дэбют года», «лепшае афармленьне праекту (афішы для вечарыны/канцэрту)».
Дэбютантамі году сталі PANANIEBA. Хлопцы чытаюць рэп далёка ня першы год, але менавіта ў 2010 годзе выйшаў іх першы студыйны альбом «На Балоце». Намінаваньне гурту на гэту узнагароду пракамэнтаваў былы удзельнік гурту Чырвоным-Па-Белым рэпэр Zeman, які прымаў актыўны удзел у запісы дэбютнага альбома хлапцоў.
— У хлапцоў канешне ёсьць шанец перамагчы. Шанец ёсьць ва усіх і заўсёды, але PANANIEBA са сваім альбомам «На Балоце» безумоўна штосьці заслужылі. Вось толькі шкада, што нашы рэпэры і крытыкі успрымаюць усё беларускае, як нейкі «калгас», бо ім звыкла раўняцца да неграў з Брукліну. Хаця на мой погляд, у PANANIEBA даволі такі «чорнае» гучаньне. Мне самому вельмі спадабалася зь імі працаваць - ведаюць, што робяць, мабыць толькі SP Kava патрэбна быць менш сур'ёзным. Але ж усё роўна вынік залежыць толькі ад судзьдзяў, а хто там у гэтым годзе я нават і ня ведаю.
Дарэчы, сам Zeman таксама захапіў некалькі намінацый. Праўда зараз рэпэр чытае пераважна на рускай мове, але, як ён сам прызнаўся, забываць родную не зьбіраецца - будуць новыя працы, а ў пляна нават беларускамоўны альбом.
Другой значнай намінацыяй стала «артыст году». Найбольшы шанец на перамогу тут мае любімец слухачоў Vinsent. За мiнулы год ён праявiў проста гiперактыўнасьць. Яго клiп «Восеньскi Вальс», з якiм ён перамог у адпаведнай намiнацыi на Street Awards 2009, парваў усе магчымыя чарты. Рэпэр прымаў удзел у 6 буйных канцэртах, у лiку якiх дабрачынны «Добры Фэст» i два оўпэн-эйры: у Польшчы ды Украiне. Апроч гэтага Vinsеnt адзначыўся ў дзесятках сэтаў на зборных клюбных канцэртах i прыватных iмпрэзах. Дзiва, як ён знаходзiў час для запiсу новых трэкаў — але ў 2010 годзе падараваў беларусам ажно 3 сiнглы.
Паспрыяць перамозе нашых хлопцаў можна прагаласаваўшы за іх на сайце http://streetawards.by/rap/
Набыць квіткі на цырымонію можна ў краме гіп-гоп адзеньня FREESTYLE, што месьціцца ў гандлёвым цэнтры «Зеркало».