У Пецярбурзе жорстка зьбіваюць студэнтаў-замежнікаў

Гэта ўжо трэці напад на замежных студэнтаў гэтае ВНУ з пачатку кастрычніка.

Па словах супрацоўніка міліцыі, напад на афрыканскага студэнта быў зьдзейсьнены невядомымі позна ўвечары ў сераду каля станцыі мэтро "Грамадзянскі прашпэкт" на поўначы гораду. У выніку нападу студэнта шпіталізавалі з дыягназам "цяжкія цялесныя пашкоджаньні".

У цяперашні час прозьвішча і грамадзянства студэнта ўдакладняюцца.

Некалькі дзён таму тры невядомыя на Грамадзянскім прашпэкце зьбілі грамадзяніна Конга, таксама навучэнца палітэхнічнага інстытуту. У выніку інцыдэнту студэнт быў шпіталізаваны з чэрапна-мазгавою траўмаю, а нападнікам удалося зьбегчы.

13 кастрычніка групай невядомых быў зарэзаны студэнт першага курсу Палітэхнічнага інстытуту Ву Ань Туан з В'етнаму.

паводле Газета.Ru