Выпускнікі беларускіх ВНУ могуць атрымаць ступень магістра ва ўнівэрсытэтах Эўропы
Як паведамілі Белапан у прэс-службе прадстаўніцтва Эўракамісіі ў Беларусі, у межах аб’яўленай у гэтым годзе адукацыйнай праграмы "Эразмус Мундус" адабраныя першыя праекты навучаньня на атрыманьне ступені магістра ў эўрапейскіх унівэрсытэтах.
Тыя выпускнікі, што ўжо маюць ступень магістра, таксама могуць удзельнічаць у некаторых праграмах, калі гэта дапускаецца іх правіламі.
Праграмы ахопліваюць 19 дысцыплінаў, у тым ліку СМІ, права, эканоміку, вышэйшую адукацыб, машынабудаваньне, інфарматыку і іншае. Усю інфармацыю пра праграмы, кантакты каардынатараў можаце знайсьці па гэтай спасылцы.
Кожная з магістэрскіх праграмаў кіруецца кансорцыюмам зь ня меньш трох эўрапэйскіх унівэрсытэтаў і мае свае асаблівасьці падачы заявак, правілаў прыёма і працягласьці навучаньня.