Журфак БДУ: Раней некаторыя хаваліся ў шафах, але іх знайшлі

Сёньня на журфаку БДУ мітусьня. Студэнтаў прымушаюць ісьці на выбарчыя ўчасткі. Як паведаміла нам студэнтка Каця: “Уціск на студэнтаў журфака вядзецца апошні месяц. Кожны дзень нам кажуць, што мы павінны галасаваць датэрмінова. Справа ў тым, што ў гэтым годзе ў нас была практыка, і зараз мы павінны здаваць іспыты па практыцы. Маёй знаёмай сказалі, што паставяць станоўчую адзнаку толькі 13-га кастрычніка з умовай, што яна прагаласуе датэрмінова”.

Студэнтаў увесь апошні тыдзень выклікалі на размовы ў дэканат, на катэдры. Бралі па 2-3 чалавекі і вялі зь імі індывідуальныя размовы.

Каця: Вельмі шмат зараз з намі размаўляюць нашыя куратары. Яны, па-большасьці, маладога ўзросту. Наш куратар сказаў: “Мы таксама, калі былі маладыя, супраціўляліся – некаторыя нават у інтэрнаце ў шафах хаваліся. Але ўсіх знаходзілі і праблемы былі толькі большыя. Таму лепей галасуйце адразу.” Мне падаецца, што на іншых ф-тах БДУ не такі моцны ўціск, як на журналісцкім.

У Менску тры “закрытых” выбарчых участкі: там ня будзе незалежных назіральнікаў. Два такія ўчасткі ў БДУ. Адзін зь іх – у “гаі”. Там разьмешчана некалькі студэнкіх інтэрнатаў. І няважна, што студэнты будуць галасаваць супраць трэцяга тэрміну Лукашэнкі. З дапамогай традыцыйнага мэтаду сучасных уладаў – масавыя фальсыфікацыі – 18 кастрычніка дзяржаўныя СМІ абвесьцяць: “Студэнты падтрымалі прэзыдэнта”.

Воля Кузьміч 

tarka 00:00, 12/10/2004
Каментары праз FACEBOOK



 
In 0.4759 seconds.