Нямеччына выдзеліла першыя 24 стыпэндыі ў памеры 125 тысячаў эўра для студэнтаў
Такую заяву распаўсюдзіла для прэсы фэдэральнае міністэрства замежных справаў. Размова пакуль ідзе пра тых студэнтаў-пяцікурсьнікаў Эўрапейскага гуманітарнага ўнівэрсытэту, якія запрошаныя на вучобу ўнівэрсытэтам Віядрына ў Франкфурце-на-Одэры.
<SPAN id=contentlabel>Як паведамляе нямецкае зьнешнепалітычнае ведамства, з таго моманту, як беларускія ўлады заявілі пра закрыцьцё Эўрапейскага гуманітарнага ўнівэрсытэту ў Менску, Бэрлін неаднаразова імкнуўся дыпляматычным шляхам пераканаць афіцыйны Менск адносна таго, якія наступствы можа выклікаць гэтае рашэньне для дачыненьняў між Беларусьсю й Эўропай. Міністэрства замежных справаў Нямеччыны выказвае сваё шкадаваньне, што беларускае кіраўніцтва ўсё ж пайшло на гэты крок.
Паводле сёньняшняга нямецкага друку, ня выключана, што да пачатку новага навучальнага году, што ў Фэдэратыўнай Рэспубліцы Нямеччына пачынаецца ў сярэдзіне кастрычніка, будзе знойдзенае фінансаваньне для вучобы яшчэ некалькіх дзесяткаў беларускіх навучэнцаў. Сваю гатовасьць прадставіць вучэбныя месцы для студэнтаў ЭГУ выказала старэйшая навучальная ўстанова краіны – Бэрлінскі свабодны ўнівэрсытэт. Як піша на старонках уплывовай нямецкай газэты “Frankfurter Allgemeine” патсдамскі навуковец, нямецкае грамадзтва мусіць усьвядоміць, што азначае закрыцьцё ЭГУ для маладога пакаленьня Беларусі.
Радыё Свабода.
Паводле сёньняшняга нямецкага друку, ня выключана, што да пачатку новага навучальнага году, што ў Фэдэратыўнай Рэспубліцы Нямеччына пачынаецца ў сярэдзіне кастрычніка, будзе знойдзенае фінансаваньне для вучобы яшчэ некалькіх дзесяткаў беларускіх навучэнцаў. Сваю гатовасьць прадставіць вучэбныя месцы для студэнтаў ЭГУ выказала старэйшая навучальная ўстанова краіны – Бэрлінскі свабодны ўнівэрсытэт. Як піша на старонках уплывовай нямецкай газэты “Frankfurter Allgemeine” патсдамскі навуковец, нямецкае грамадзтва мусіць усьвядоміць, што азначае закрыцьцё ЭГУ для маладога пакаленьня Беларусі.
Радыё Свабода.
Каментары праз FACEBOOK