Здановіч прапануе скасаваць адтэрміноўку ад прызыву для студэнтаў-платнікаў
Кіраўнік Пастаяннай камісіі па адукацыі, культуры, навуцы і навукова-тэхнічным прагрэсе Палаты прадстаўнікоў Нацыянальнага сходу Беларусі Ўладзімір Здановіч прапануе скасаваць адтэрміноўку ад прызыву для студэнтаў-платнікаў.
Уладзімір Здановіч нагадаў, што Міністэрства абароны распрацавала законапраект, які прадугледжвае скасаваньне адтэрміноўкі ад службы для студэнтаў ВНУ і ССНУ завочнай формы навучаньня. Ён выклікаў буйное абмеркаваньне ў дэпутатаў і неразуменьне чаму абраныя менавіта завочнікі, але не студэнты іншых відаў навучаньня.
«Я лічу, што да гэтай праблемы варта падыходзіць па прынцыпу справядлівасьці. Па-першае, прызываць толькі тых, хто вучыцца завочна, не зусім правільна. Па-другое, гэта ня вырашыць праблему, а праз год-два элемэнтарна будзе згорнуты прыём на завочную форму навучаньня, а на дзённую павялічаны.»
«Трэба разважаць па-іншаму», — лічыць дэпутат. Дзяржава, накіроўваючы ВНУ і ССНУ кантрольныя лічбы прыёму на бюджэтную форму навучаньня, тым самым фармуе замову на падрыхтоўку кадраў для галінаў народнай гаспадаркі, прычым як на дзённай, так і завочнай форме. Студэнты-бюджэтнікі ўсе ж такі пры паступленьні паказваюць больш высокія рэзультаты, а па сканчэньні вучобы належаць абавязковаму разьмеркаваньню. «Таму прызываць на тэрміновую службу такіх студэнтаў, ды й, напэўна, і выпускнікоў, ні ў якім разе нельга».
Студэнты-платнікі ж атрымліваюць больш нізкія балы на тэставаньні, разьмеркаваньню яны не належаць, ды й у большасьці выпадкаў па атрыманай спэцыяльнасьці не працуюць. Частка зь іх лічацца студэнтамі фармальна, не праяўляюць ніякага інтарэсу да будучай прафэсіі. «Паступіў, каб у армію не ісьці» — часта можна пачуць навучэнцаў і студэнтаў. У нядаўнім мінулым яны належалі да шэрагу «не дабраўшых балы альбо «праваліўшыхся на экзамэне» і, калі з здароўем было ўсё ў парадку, аўтаматычна пападалі пад прызыў. «Вось з гэтай катэгорыі можны фармаваць кантынгент салдат тэрміновай службы», — лічыць Здановіч.
Уладзімір Здановіч распавёў, што гэты прапанова выклікала інтарэс у Міністэрстве абароны. У выпадку яго прыняцьця адтэрміноўка на пэрыяд навучаньня будзе прадстаўляцца толькі тым навучэнцам і студэнтам, хто атрымлівае адукацыю за кошт стродкаў рэспубліканскага (мясцовага) бюджэту.