Украінскім студэнтам стыпэндыю павялічваюць у 2 разы

З 1 ліпеня гэтага году студэнты ўкраінскіх ВНУ і навучэнцы ПТВ будуць атрымліваць стыпэндыі, якія амаль удвая перавышаюць іх сучасны памер. Аб гэтым паведаміў на прэсавай канфэрэнцыі 24 чэрвеня Міністар навукі і адукацыі Украіны Васіль Крэмень.

Па ягоных словах, студэнты ВНУ ІІІ-ІV узроўняў акрэдытацыі будуць атрымліваць 108 грыўнаў., І-ІІ узроўняў акрэдытацыі - 90,5 грыўнаў, а навучэнцы ПТВ -72 грыўны.

Міністар адзначыў, што ў часе перагляду бюджэта толькі на другое паўгодзьдзе навучальнага году для выплаты стыпэндыяў выдзеленыя 385 млн. грн. 8 млн. дададуцца да сродкаў, выдзеленых для завяршэньня будаўніцтва аб’ектаў вышэйшай школы, 10 млн. дадаткова будуць накіраваныя на аплату энэрганосьбітаў для навучальных установаў.

Крэмень адзначыў, што пасьля ўнясеньня паправак у бюджэт сур’ёзна ўзрасло фінансаваньне навукі і адукацыі. Калі да перагляду бюджэту-2004 для Міністэрства адукацыі прадугледжвалася выдзяленьне стыпэндыі звыш 2 млрд. 900 млн. грн., то пасьля прыняцьця паправак гэтая сума складае 3,5 млрд. грн. «Такім чынам, можна казаць, што паступова й ўпэўнена прыярытэтнасьць адукацыі ў нашым грамадзтве усталёўваецца », - адзначыў Крэмень.

У Беларусі апошні раз стыпэндыі былі павялічаныя ў сьнежні 2003 года. Павялічылі іх на 6%. Такім чынам, памер беларускай стыпэндыі складае ад 40 тыс. да 112 тыс. беларускіх рублёў.

<P align=right>Воля Кузьміч, 
з выкарыстаньнем інфармацыі forUm

tarka 00:00, 26/06/2004
Каментары праз FACEBOOK



 
In 0.0047 seconds.