20 траўня — 17 чэрвеня Дні культуры Швэцыі

Пасольства Швэцыі ў Менску пры падтрымцы Швэдзкага інстытута і Дзяржаўнага савета па культуры Швэцыі праводзяць з 20 траўня па 17 чэрвеня 2009 года традыцыйныя Дні культуры Швэцыі. У межах дзён адбудуцца літаратуныя вечарыны, канцэрт джазавай музыкі, а таксама фэстываль сучаснага швэдзкага кіно.

• 21 траўня ў 18:30. Літаратурна-музычная вечарына: Менск, «Тэатар-студыя імя Е. Міровіча» (пр-т Незалежнасьці, 81). Вядучы — Андрэй Хадановіч;
• 22 траўня ў 10:30. Літаратурная сустрэча: Баранавічы, Баранавіцкая цэнтральная гарадзкая бібліятэка (вул. Леніна, 51, 53);
• 22 траўня. Конкурс юнацкай паэзіі (1-ы тур) у 17:30 і Літаратурна-музычная вечарына ў 18:30: Пінск, Гарадзкі дом культуры (пл. Леніна, 7);
• 23 траўня. Конкурс юнацкай паэзіі (2-і тур) у 17:30 і Літаратурна-музычная вечарына ў 18:30: Пінск, Палескі драматычны тэатр (вул. В. Харужай, 10).

Музычная частка Дзён культуры Швэцыі прапануе канцэрт зоркі скандынаўскага фры-джаза, саксафаніста Матса Густафсана, які адбудзецца 5 чэрвеня 2009 года ў 19:00 у Вялікай зале Беларускай дзяржаўнай філярмоніі (пр-т Незалежнасці, 50). У канцэрце таксама прыме ўдзел вядомы беларускі джазавы саксафаніст Павел Аракелян і гурт «The Outsiders».

Фэстываль сучаснага швэдзкага кіно пройдзе з 8 па 17 чэрвеня ў Менску і Магілёве. У рамках кінафэстывалю кінааматары змогуць убачыць 4 мастацкія фільмы:

• 8 чэрвеня ў 19:00. «Вечныя імгненьні Марыі Ларсан» (драма клясыка сусьветнага кінэматографа рэжысёра Яна Труэля). К-тр «Цэнтральны. Рэжысёр з дачкой будуць прысутнічаць на сэансе.
  
• «Воўк» (драматычная гісторыя пра мараль, чалавека і прыроду рэжысёра Даніэля Альфрэдсана):
  9 чэрвеня ў 19:00. Менск, к-тр «Цэнтральны»
  17 чэрвеня ў 18.00. Магілёў, к-тр «Ветразь»
  
• «Кароль пінг-понга» (драма рэжысёра Енса Ёнсана):
  11 чэрвеня ў 19:00. Менск, к-тр «Цэнтральны»
  16 чэрвеня ў 16:00. Магілёў, к-тр «Радзіма»
  
• «Па найвышэйшай волі» (мэлядрама рэжысёра Аміра Чамдзіна):
  12 чэрвеня ў 19:00. Менск, к-тр «Цэнтральны» (пр. Незалежнасьці, 13).

12:58, 21/05/2009 | Анонсы |

Каментары праз FACEBOOK