«Беларуская асацыяцыя журналістаў» абвясьціла пераможцаў «Вольнага слова»
У часе адмысловай урачыстай імпрэзы 4 траўня 9 журналістаў былі абвешчаныя прызёрамі творчага конкурсу БАЖ «Вольнага слова», які ладзіцца ўжо другі год.
Сёлета журы атрымала каля паўсотні журналісцкіх публікацыяў ад 25 аўтараў беларускіх выданьняў, у выніку склала наступны сьпіс пераможцаў.
«Найлепшы інфармацыйны матэрыял»:
-
Глеб Лабадзенка, «Эльжбета Радзивилл, дочь последнего хозяина Несвижского замка: „Я жила в том крыле замка, которое сровняли с землей“», «Комсомольская правда» в Белоруссии». - Віталіна Грахоўская, «Куба як яна ёсць», «Еўрапейскае радыё для Беларусі».
Руслан Гарбачоў, «Как я догонял олимпийского чемпиона», «Intex-press».
«Найлепшая аналітычная публікацыя»:
-
Аляксандра Фядута, «Камедыя выраджэння», «Наша ніва». - Віталь Цыганкоў, «Казус Абрамавай, альбо пусты гранатамёт Кучынскага», радыё «Свабода».
«Найлепшая публікацыя літаратурна-мастацкага жанру ў журналістыцы»:
-
Сямён Печанко, «Аднагодак БНР», «Наша ніва». - Руслан Гарбачоў, «Николай Головин – директор Барановичского охотничье-рыболовного хозяйства», «Intex-press».
- Алесь Гізун, «Калі гісторыя ломіць лёс», «Intex-press».
«Дэбют»:
-
Пруднікава Вольга, «Артыстам Купалаўскага тэатра няма дзе жыць» «Народная воля». -
Тамара Савіч, «Испытано на себе: «Остаться в живых» на прожиточный минимум», «Intex-press».
Як распавёў на цырымоніі старшыня журы Юрась Карманаў, у конкурсе «Вольнае слова» ацэньваліся тэксты без пазначэньня аўтарства. У выніку прэміі атрымалі і маладыя журналісты, і журналісты з багатым досьведам, прадстаўнікі рэгіянальных і сталічных выданьняў.
Адначасова з уручэньнем узнагародаў конкурсу «Вольнае слова» 4 траўня БАЖ адзначыў пераможцаў конкурсу, які ладзіўся ў межах медыя-кампаніі «Журналісты за гістарычную спадчыну».
Напрыканцы імпрэзы гурт Rahis сыграў некалькі кампазыцый.