Супрацоўнікі ФСБ дапытваюць студэнтаў

Як паведамяле нямецкі часопіс Spiegel, супрацоўнікі ФСБ пэрыядычна “дапытваюць” расейскіх стыпэндыятаў, якія прайшлі стажыроўку ў Нямеччыне.

Паводле інфармацыі часопіса, асаблівую цікавасьць у спэцслужбаў выклікаюць студэнты, якія праходзілі стажыроўку ў Бундэстагу. У асноўным гэта студэнты журналісцкіх спэцыяльнасьцяў ці тыя, хто прыбывае па праграме парляманцкага абмену.

Па словах кіраўніка праекта “Міжнародны журналіст” Гюнтэра фон Ляеўскі, з ста стыпэндыятаў у ФСБ былі “дапытаныя” блізу дзесяці.