Штамп на выезд за мяжу адменяць з 1 студзеня 2008

МУС падрыхтаваў праект указа аб адмене штампа для выезду за мяжу ў пашпартах грамадзян Беларусі.

Праектам дакумэнта, падрыхтаваным Міністэрствам унутраных спраў Беларусі, прадугледжваецца адмена штампу з 1 студзеня 2008. Разам з тым плянуецца зацьвердзіць палажэньне аб агульным банку дадзеных аб асобах, выезд якім з тэрыторыі Беларусі часова абмежаваны адпаведна заканадаўству. У дадзены час праект знаходзіцца на ўзгадненьні ў рэспубліканскіх органах дзяржаўнага кіраваньня.

Паводле БЕЛТА­