Украінскім школьнікам забароняць карыстацца мабільнікамі

З новага навучальнага году ў школах Украіны загадам міністра адукацыі будзе забаронена карыстацца мабільнымі тэлефонамі ў часе заняткаў.

«Мы разумеем, што наяўнасьць тэлефона дазваляе своечасова паведаміць бацькам аб заканчэньні ўрокаў, апэратыўна зьвязацца ў выпадку неабходнасьці. Але ўявіце сытуацыю, калі ідзе ўрок, у клясе сядзіць 30 вучняў, і праз кожную хвіліну звоніць тэлефон. Хіба можна ў такіх умовах праводзіць паўнавартасны навучальны працэс? Акрамя таго, падчас самастойных і кантрольных працаў у навучэнцаў часта ўзьнікае ідэя выкарыстаць мабільны тэлефон як крыніцу ведаў»,— гаворыць С.Нікалаенка міністар адукацыі Ўкраіны.

Па словах украінскага міністра, школьнікам аднак ня будуць забараняць карыстацца мабільнікамі пад час перапынкаў.