Дзень аўтызму ў Галерэі «Ў»

Ва ўсім свеце 2 красавіка адзначаюць Сусветны дзень інфармавання на тэму аўтызму. Галерэя сучаснага мастацтва «Ў» ужо другі год праводзіць інфарматыўныя размовы, якія кранаюць праблему аўтызму ў нашым грамадстве. У аўторак галерэя прадставіла эксклюзіўны паказ фільма «У АУЦЕ», галоўнай гераіняй каторага з’яўляецца дзяўчынка Соня, якая мае дыягназ «аўтызм». Фільм моцны, узрушальны, пра прагу жыцця і мараў. Таксама ў малой залі галерэі прадстаўлены фотапраект Вікторыі Шчарбаковай «Побач», галоўнымі героямі якой з’яўляюцца мамы з іх дзеткамі, хворымі на аўтызм.