Міністар адукацыі Радзькоў ня зможа езьдзіць у Эўропу

Рада Эўрапейскага зьвязу зацьвердзіла сьпіс беларускіх чыноўнікаў, адказных за ўдзел у фальсыфікацыях вынікаў прэзыдэнцкіх выбараў у Беларусі, якім забаронены ўезд на тэрыторыю Эўразьвязу. У сьпіс з 31 асобы далучаны і міністар адукацыі Беларусі Аляксандар Радзькоў. Ня выключана, што ў сьпіс трапяць рэктары беларускіх ВНУ, у якіх вядзецца выключэньне студэнтаў па палітычных матывах.

Такое рашэньне было прынятае 10 красавіка выканаўчым ворганам Эўразьвязу. Лідэры дэмакратычных сілаў Беларусі і многія эўрапейскія чыноўнікі адзначаюць, што сьпіс варта пашырыць, бо ў парушэньні правоў чалавека прымала ўдзел значна большая колькасьць беларускіх чыноўнікаў. 

Забарона на ўезд у 25 краінаў Эўропы ўжо пачала дзейнічаць.

Сьпіс беларускіх чыноўнікаў, адказных за ўдзел у фальсыфікацыях вынікаў прэзыдэнцкіх выбараў у Беларусі, якім забаронены ўезд на тэрыторыю Эўразьвязу:

1. Аляксандр Лукашэнка, прэзыдэнт
2. Генадзь Нявыглас, кіраўнік Адміністрацыі прэзыдэнта
3. Натальля Пяткевіч, намесьнік кіраўніка Адміністрацыі прэзыдэнта
4. Анатоль Рубінаў, намесьнік кіраўніка Адміністрацыі прэзыдэнта
5. Алег Праляскоўскі, начальнік ідэалягічнай управы Адміністрацыі прэзыдэнта
6. Аляксандр Радзькоў, міністар адукацыі
7. Уладзімер Русакевіч, міністар інфармацыі
8. Віктар Галаванаў, міністар юстыцыі
9. Аляксандр Зімоўскі, старшыня Белтэлерадыёкампаніі
10. Улазімер Канаплёў, сьпікер Палаты прадстаўнікоў
11. Мікалай Чаргінец, дэпутат Савета Рэспублікі
12. Сяргей Касьцян, дэпутат Палаты прадстаўнікоў
13. Міхаіл Орда, дэпутат Палаты прадстаўнікоў
14. Мікалай Лазавік, сакратар ЦВК
15. Пётар Міклашэвіч, Генэральны пракурор
16. Алег Сьліжэўскі, начальнік управы грамадзкіх аб’яднаньняў Міністэрства юстыцыі
17. Аляксандр Харытон, галоўны спэцыяліст управы грамадзкіх аб’яднаньняў Міністэрства юстыцыі
18. Яўген Сьмірноў, намесьнік старшыні Вышэйшага гаспадарчага суду
19. Надзея Рэўцкая, судзьдзя Маскоўскага суду Менску
20. Мікалай Трубнікаў – судзьдзя Партызанскага суда Менску
21. Мікалай Купрыянаў – намесьнік генэральнага пракурора
22. Сьцяпан Сухарэнка – старшыня КДБ
23. Васіль Дземянцей – намесьнік старшыні КДБ
24. Леанід Козік – старшыня Фэдэрацыі прафсаюзаў Беларусі
25. Аляксандар Каляда – кіраўнік Берасьцейскай абласной выбарчай камісіі
26. Мікалай Усаў – кіраўнік Гомельскай абласной выбарчай камісіі
27. Леанід Лучына – кіраўнік Гарадзенскай абласной выбарчай камісіі
28. Тацьцяна Краўчанка – кіраўніца Менскай гарадзкой выбарчай камісіі
29. Уладзімер Курловіч – кіраўнік Менскай абласной выбарчай камісіі
30. Мікалай Мяцеліца – кіраўнік Магілеўскай абласной выбарчай камісіі
31. Міхаіл Пішчулёнак – кіраўнік Віцебскай абласной выбарчай камісіі   

Дыпляматы Эўразьвязу ў будучым не выключаюць пашырэньня сьпісу. У тым ліку ў яго могуць трапіць рэктары беларускіх ВНУ, якія чыняць перасьлед студэнтаў.