Журы прэміі імя Гедройца вызначыла лонг-ліст 2014 лепшых беларускіх кніг
Спіс лепшых беларускіх твораў, выдадзеных летась, уключае 12 кніг.
Наступным этапам прэміі стане вызначэнне Кароткага спісу, які будзе абвешчаны ў красавіку. Саму прэмію уручаць у траўні.
Доўгі спіс лепшых
- Сяргей Абламейка «Настальгія»
- Таццяна Барысік «Жанчына і леапард»
- Альгерд Бахарэвіч «Дзеці Аліндаркі»
- Антон Францішак Брыль «Ян Ялмужна»
- Віталь Воранаў «Шэптам»
- Андрэй Гучаў «Кніга зданяў»
- Сяргей Дубавец «Сіні карабель у блакітным моры плыве»
- Віктар Казько «Час збіраць косці»
- Віктар Марціновіч «Мова»
- Пістончык «Дэгенератыўны слоўнік»
- Людміла Рублеўская «Авантуры студыёзуса Вырвіча»
- Юры Станкевіч «Брамнік заўжды самотны»
Апісанне кніг і іх аўтараў, а таксама фрагменты тэкстаў апублікаваныя на сайце прэміі імя Ежы Гедройца.
Аўтар кнігі, якая зойме трэцяе месца, атрымае творчую стыпендыю ў Вентспілсе (Латвія), другое — пераклад твора на польскую мову альбо творчую стыпендыю ў Доме творчасці пісьменнікаў (г. Вісбю, Готланд, Швецыя), першае — чэк ад IdeaBank.
У журы Літаратурнай прэміі імя Ежы Гедройца сёлета ўвайшлі: Уладзімір Арлоў, Ігар Бабкоў, Малгажата Бухалік, Адам Глобус, Ганна Кісліцына, Андрэй Федарэнка, Ціхан Чарнякевіч, Ганна Янкута.
Папярэднія пераможцы прэміі:
- 2012 — Павел Касцюкевіч з кнігай «Зборная РБ па негалоўных відах спорту»;
- 2013 — Уладзімір Някляеў з кнігай «Аўтамат з газіроўкай з сіропам і без»;
- 2014 — Ігар Бабкоў «Хвілінка. Тры гісторыі».