Аўтары наўмысна не называюць сваю працу кліпам, а прэзентуюць яе, як вольныя відэа-варыяцыі на тэму песні.
– Нам вельмі хацелася даць волю сваёй фантазіі і цалкам аддацца пачуццям і адчуванням, не зважаючы на сюжэт, — дзеліцца клавішнік гурта Martin S. – Ілля Басько, ён жа вядомы як электроншчык Iver.
– Калі пачалі абмяркоўваць, як гэтае відэа-ўвасабленне мусіць выглядаць, мы ўсе як адзін пачалі ўзгадваць класіку «касмічнага» кінематографа, таму гэтае відэа, як мне падаецца, выпеставана ў лепшых традыцыях Стэнлі Кубрыка з ягонай «Касмічнай адысеяй 2001 года» і Андрэя Таркоўскага з ягоным «Салярысам».
Здымкі праходзілі ў Нацыянальным акадэмічным тэатры імя Янкі Купалы на працягу некалькіх дзён.